بليله برد وبرق و رعد من خوفي بكت عيني
ولا أحد يحس فيني أنا من لي أنا ويني
يايمه ليه تركتيني بلا حس يدفيني
يايمه هانت دموعي يايمه هانت سنيني
يادنيا وينها أمى ليه يايمه تعافيني
أنا ولدك أنا أنتي انا يا كيف بعتني
أنا شسويت يايمه اناشذنبي أنا شفيني
أنا غلطان يايمه أنا ياكيف بعتني
يالتيك جاهله يايمه وبايدك وأدتيني
يالتيك قبل ماأجيى أنا بجوفك قتلتيني
أناشسويت يايمه أناشذنبي أنا شفيني
يايمه أحلف بربى دعاء منك يحميني
يايمه ياترى وحشتك مثل ماأنتي وحشتيني
يايمه وينها عيونك من دموعي تواسيني
يهون عليك يايمه بلا أسم تخليني
أنا سارة أنا نورة أنا كيف بتناديني
أحس ببرد يايمه أبى صدرك يدفيني
أحس بخوف يايمه أبى قلبك يغطني
أنا شسويت يايمه أنا شذنبي أنا شفيني
حملتني وسط جوفك وللوحدة رميتني
وكنت أسمع صدى نوحك يوم أنك ولدتيني
أبد ما هانت دموعك يوم أنك بكيتني
يايمه أسالى سجودي بأعلى الصوت يدعيني
يايمه أسألى ركوعي من حالى بيرثيني
يايمه أسالك أنتي إلي يومك تحبيني
يهون عليك يايمه بثوب العار تكسيني
يهون عليك هالعالم لقيط الدار سميني
يايمه سامحك ربى يوم أنك شقيتيني
يايمه سامحك ربى يوم أنك خذلتيني
يايمه سامحك ربى على مر جرعتيني
يايمه أنتي مو أمى أناأمى ماتخليني
ياانتي أيه ياأنتي أبى تنسى عناويني
وأبى تنسى يوم أسود يوم أنك ولدتيني
وكل يومى أنا بدعى لباس ا لصبر يكسيني
وأنا مؤمن برب الكون خلقني مايخليني
وأنا مؤمن برب الكون خلقني مايخليني