تغنى قيثارة الشرق المطرب الراحل (طلال مداح) الله يغفر له، بكلمات قمه في الروعه والإحساس البدوي المرهف، من نظم الشاعر (فالح) قبل مايقارب 40 سنة، وبحق الكلمات واللحن والأداء تأخذك إلى عالم ...............................(خاص)
لنقرأ القصيدة:
قولوا للغالي .. قولوله
وشهوله يبطي وشهوله
ما جا ولا جا مرسوله
و الحب الله يكفي شره
انا عليل الضماير
انشد و اسوق البشاير
همي زاد و فكري حاير
فارقني و الفرقى مرة
امشي و انشد عن مضنوني
و اسهر و انتم ما تدروني
دامي ما شفته بعيوني
ما ترقد عيني منسرة
اترك سكة و اقضب سكة
لقيت ابواب منصكة
جيت الطايف و اهل مكة
قالو ما شفناله جرة
جيت اهل ابها و اهل الوادي
و انشدهم حضر و بوادي
قالو عود يالنشادي
ما جا الدواسر و المرة
و انشد شمر و انشد علوى
و اهل قطر و اهل سلوى
قلت انا مبلي بلوة
في زين المبسم و الغرة
قالولي وشلون اوصافه
نرسل له ناس عرافة
تجوب بنجد واطرافه
تنشد و تلقى مقره
قلت اوصافه يا خلق الله
كامل و الكامل وجه الله
في عيني ما مثله والله
قلتها مرة باثر مرة
اوصاف الغالي غريبة
عين و خد و جيد و هيبة
عذبني و الله حسيبه
ياما شكيت المضرة
أتمنى أن تعجبكم القصيدة،
وتأخذكم إلى هناك.......................
07-Apr-2008, 10:12 AM
قولوا للغالي .. قولوله،،، وشهوله يبطي وشهوله 
العرض العادي
