ترى لولا الظروف اللي عطتْك وحدّت محاكيـك ،،،

بريق ألماس · #1 (**permalink**) 03-Dec-2007, 12:09 AM

السلام عليكم ورحمة الله وبركاته

هذه قصيده لشاعر حضر زواج حبيبته التي كان يامل بالزواج منها ولكن تجري الرياح بمالا تشتهي السفن وحالت الظروف دون ماكان يؤمل ويحلم به .. واليكم اقصيده عسى ان تنال شئ من اعجابكم ..

أبد .. ما جيت ابارك ولكـن جيـت باوصّيـك
على الله ناوي ٍ تدخل بها الليلـه .. مُعذّبْتـي

ترى لولا الظروف اللي عطتْك وحدّت محاكيـك
قسم بالله ما تدخل عليهـا لـو علـى رْقبْتـي

ولكنّ النصيب اقوى ولا ادري ويش اسوّي فيك
نعم .. صارت معزّبتك .. ولا صارت معزّبْتـي

كذا شاءت بنا الأقدار تحرمنـي لجـل تعطيـك
كذا لازم عشان تفوز إنت .. أخسر بتجربْتـي

تراها غاليه جـداً .. وتكفـى .. والله يخليـك
تـدللها .. تدلعهـا .. تنسّيهـا مصاحبْـتـي

أنا من كثر ما اغليها أحس اني بديـت اغليـك
ولا تسـأل بأيّـة حـق ولا ّ وش مناسبْـتـي

لإنك لو بتسألني بتسمع شـيء مـا يرضيـك
لـذا ياخـوي لا تسـأل ولا تسمـع لأجوبْتـي

أبيك تحطها في داخل عيونـك وبيـن ايديـك
وهي دلوعه اعتـادت علـى كثـرة مداعبْتـي

فداعبها شوي شوي حتـى تشتهـي طاريـك
وشاغبها إلين تقـول لـك: بطّـل مشاغبْتـي

واذا هي مالها خلقك..ولا تضحـك ولا تسلّيـك
تحمّلها وإسألها: يـا عمـري ليـه عصّبْتـي

وبالك اسمع انّك يوم تضربها وهـي تشكيـك
ما يحتاج اورّي لك بفـن الضـرب موهبْتـي

صحيح انك بتملكها ومعـك الصـك بالتمليـك
وانا عارف حدود الله ومـن حقـك معاقبْتـي

ولكن قلّها المجنـون وصّانـي وهـو يعنيـك
يقول انّـه بينتظـرك ولـو شيّـب وشيّبْتـي

وانا مجنونها اللي ما نساها وانت مـا يمديـك
تغطّي ذكرياتي في هواهـا.. وربْـع تجربْتـي

أحس اني تماديت بكلامي.. والغضـب حاديـك
ولو انّك في مكاني مـا تفكّـر فـي محاسبْتـي

كفاك اني تركت الليله اشغالي عشـان اجيـك
دخلت القاعه برجلي ولا ادري ويش عاقبْتـي

وانا ما جيت اخرّب عرسك الليلـه ولا أذّيـك
أنا جيتك عشان اخاطبـك واسمـع مخاطبْتـي

توصّى..وانتبه..واحرص عليهـا والله يهنّيـك
ترى كل الكلام اللي طلَع مـن ضيقـيَ وكبْتـي

ولكن ما قدرت انّي أقوله وانـت مـا يخفيـك
أخاف انّـي إذا قلتـه تقـوم وتقطـع رْقبْتـي

،،، م ن ق و ل ،،،

تحياتي

أحاسيس طفلة · 03-Dec-2007, 01:58 AM

صح لسانك بريق الماس وصح لسان الشاعر أبيات رائعهـ جداُ وأختيار موفق
تقبل فائق أحترامي على الذوق الرفيع

أحاسيس طفلة

برستيجي مايسمح · 03-Dec-2007, 07:01 PM

هلابك يا.... بريق الماس

اقتباس:

ولكن تجري الرياح بمالا تشتهي السفن

هذي ليست رياح

في اعتقادي عصفت به عاصفه رمليه او ثلجيه
او حتى تسونامي, او قونو , او ريتا ....كما يحلو لي ان اسميه

مشكور بريق ونقل جدا رائعً

ساعة زمن · 03-Dec-2007, 11:52 PM

ياه ذكرتني بالاسيه حرام عليك يا بريق

عيون السحاب · 04-Dec-2007, 02:21 PM

هــلا بأخووي مطول الغيبة ..
>> بريق ألماس <<

وياهلا بالغنيمه يالي بها نورت المنتدى الأدبي ..

قصيدة رائعه ..
وكلماتها جداً قــوويه ..

ربي يعطيك العافية أخووي ".. بريق ألماس .."

بريق ألماس · 05-Dec-2007, 02:47 AM

اقتباس:

المشاركة الأصلية كتبت بواسطة أحاسيس طفلة

صح لسانك بريق الماس وصح لسان الشاعر أبيات رائعهـ جداُ وأختيار موفق
تقبل فائق أحترامي على الذوق الرفيع

أحاسيس طفلة

واشكرك على المرور ..

مودتي ..

aala200 · 05-Dec-2007, 12:55 PM

مشكور
على هذه المشاركة الجميلة
.......................................
جزاك الله كل الخير

بريق ألماس · 08-Dec-2007, 04:50 PM

اقتباس:

المشاركة الأصلية كتبت بواسطة برستيجي مايسمح

هلابك يا.... بريق الماس

هذي ليست رياح

في اعتقادي عصفت به عاصفه رمليه او ثلجيه
او حتى تسونامي, او قونو , او ريتا ....كما يحلو لي ان اسميه

مشكور بريق ونقل جدا رائعً

اهلا وسهلا والسلام عليكم ... وتحيه منا ترد اليكم

اياً كانت العاصفه فهي شئ يدمر بل يبيد كل ما يقابله ..

لك كل الشكر ..

بريق ألماس · 08-Dec-2007, 04:51 PM

اقتباس:

المشاركة الأصلية كتبت بواسطة ساعة زمن

ياه ذكرتني بالاسيه حرام عليك يا بريق

ما تشوف باس ان شاء الله ..

بريق ألماس · 08-Dec-2007, 04:55 PM

اقتباس:

المشاركة الأصلية كتبت بواسطة عيون السحاب

هــلا بأخووي مطول الغيبة ..
>> بريق ألماس <<

وياهلا بالغنيمه يالي بها نورت المنتدى الأدبي ..

قصيدة رائعه ..
وكلماتها جداً قــوويه ..

ربي يعطيك العافية أخووي ".. بريق ألماس .."

هلا بك وغلا ..

انتي النور والمسك والكادي ..

ذوقك الاروع والله يعافيك ويسلمك ..

واشكر لك كل جهودك في هذا القسم ..

مودتي ..

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق مشاهدة الموضوع
العرض العادي الانتقال إلى العرض المتطور الانتقال إلى العرض الشجري

العاب	توبيكات	برامج	تبادل نصي
تبادل نصي	تبادل نصي	تبادل نصي	توبيك

الذين يشاهدون محتوى الموضوع الآن : 1 ( الأعضاء 0 والزوار 1)

ترى لولا الظروف اللي عطتْك وحدّت محاكيـك ،،،

المنتدى الأدبي والقصة