الشاب السعودي..رمز الرقي والتحضر

قرأت لأحد الأخوات الكريمات مقالاً أعجبني ...
وبرغم أن الكاتبة كانت متحاملة نوع ماء..إلا أن في موضوعها الكثير من المنطقية وواقع لافرار منه..أقول ذلك بكل أسف..
ما عجبني أكثر ...هو ذلك الاسوب الساخر الجميل والذي تميزت به الكاتبة في مقالها ..
وهو أسلوب رائع لا أخاله غريب عليكم وقد تعودنا مثله من كتابنا الرائعين في تواصل..أمثال مشرفنا العزيز أبو خالد والعضو المميز الرحال..
اترككم مع المقال...

سبحان الله على هذا الشاب السعودي.. هذا الشاب اللي لو سالت كل العالم..كل الناس وفي مختلف الدول عنه ..كلهم بيقولون لك نفس الكلام..كلهم بيسمعونك سيل من كلمات الشكر والإعجاب..كلهم بيعطونك شهادات التقدير اللي توصف حسن سلوكه..كيف مايسوون كل هذا واكثر والشاب السعودي ضرب للعالم كله أروع الأمثله في الأخلاق والتحضر..

خلونا ناخذ الموضوع جانب جانب.. مثلا لو تكلمنا عن أنظمة المرور.. قد مرة شفت سعودي مسرع؟؟ قد مرة شفت شاب سعودي متعدي الصف عند الاشارة وينقال انه مو قاطع اشارة؟؟ أصلا قد مرة شفت شاب سعودي قاطع اشارة؟؟ابدا!! لو تسال المرور تعرف انهم مساكين ياعمري عليهم قاعدين لا شغلة ولا مشغله حاطين ايدينهم على خدهم ... لا يحررون مخالفات.. ولا فيه حوداث.. ولا فيه هوشات

اصلا ماتدرون ان في الدراسات الأخيرة اثبتوا ان الشاب السعودي محتل المرتبة الأولى في النظام والترتيب؟؟

واكبر مثل لما نكون عند الجوازت مثلا... والا في البنك .. تشوفهم يوقفون في طابور منظمين.. كل واحد يحترم دور الثاني.. ولا يتعدى عليه .. سبحان الله

طيب ولو أخذنا جانب ثاني ومهم .. اهو المغازل.. هذا الجانب اللي السعودين ابببببببببد مايعرفون فيه شي.. والا شوف الشاب السعودي العا**.. يدخل السوق... ياخذ شغله ويطلع .. وعيونه منزلها بالارض تقول يعد كم بلاطه بالسوق ..

والا الشاب السعودي المتزوج .. يدخل السوق ماسك بيد مرته.. ولا يرفع عينه من عليها.. ولا يقعد يقز ببنات خلق الله .. اصلا هو مايفكر الا بمرته وبس!! وهذي صفه ثانيه له.. الاخلاص !!

اما اذا كان شاب سعودي يشتغل بمحل حريم .. سبحان الله على اخلاقه .. مسكين يعامل البنت بكل احترام واخلاق.. ولا يفكر يحط لها الرقم في كيستها او يطلب منها تكلمه .. في الواقع.. الشاب السعودي مايعرف كيف يرقم وبمعنى اصح مايعرف وش يعني ترقيم..

مرة سالوا شاب سعودي عن رايه بالترقيم.. تدرون وش قال؟؟ قال: ينظم الشوارع..

مسكين يحسب ترقيم الشوارع ..

اصلا في حياتي ماشفت شاب سعودي كاشخ ومشخص كانه معرس يحوط بالمجمع يتمنى بنت تعطيه وجه.. ولا عمري شفت شاب سعودي يقعد بسيارته (الكشخه) يدور حول المجمع منزل الشبابيك والاغاني شاقه الدنيا .. لفت نظر!!

الشاب السعودي يعتبر بنات خلق الله مثل خواته عشان كذا مايغلط عليهم .. او يرضى انه يعطيهم الورقه الصغيره اللي مكتوب عليها الرقم..اصلا هو مايحب يخدع البنت..فما يرقهما وهو حاط اسم مو اسمه ..ومايكلمها طول الليل وهو يوعدها بالزواج وبالأخير يتركها ولاكن عرفها..

اصلا هذي الاشياء مو من طبعه ولا من شيمه ... مو هو الشاب الراقي؟؟

هنيئا لبلادنا فيك يالشاب السعودي.. يارمز الرقي والتحضر !!

الشاب السعودي حتى وهو يعمل في اي قطاع لايكاد يشبع من الفراغ يعاني كثيرا" من الروتين الشاب السعودي مبدع ولكن يحتاج الى من ينمي قدراته واول من ينمي قدراته هو بذاته ولكن ذاته تحتاج الدعم من ذات الاخرين والا بأمكانه لو استغل فكره الراقي لااثرى العلم والعالم بأبداعاته ولكن استغلت العقول الذكيه في الجوانب السلبيه حتى افقدته الابداع من اجل الانجاز



شكرا" ايها الحر الابي

اخي ساعة زمن..

تحيتي لك...ولتفاعلك ارائع.