[align=center]
السلام عليكم ورحمة الله وبركاته ..
هذه مشاركة متواضعة مني نقلتها عن قنبلة الشعراء ( حامد زيد ) وهي موجودة في كاسيت جديد له بعنوان (الجمهرة) وهي رائعة كروعة الشااااااااااااااعر الفحل حامد زيد وعسى تعجبكم وهي :
{ أهل الجنوب }
واعيني الي كل ما ذعذع من الغربي هبوب
يحلالها لون الغروب الي يذوب قبالها
وياويل حالي كل ما يحلالها لون الغروب
تطري لي الريم اللعوب وسالفة ترحالها
وعز الله أني كل ما تطري الريم اللعوب
حرمت أمد أيدي على حاجة وأنا ما أقوالها
من سافرت ريم الفلا صديت عن كل الدروب
ماهو قصور بالعذارى بس ذيك لحالها
من فارقتني ما خطف قلبي من الحور محبوب
ولا لقيت الجادل الي تستحق احيالها
لان القلوب إن ما وفت لأحبابها ماهي قلوب
والعشرة الي ما ترد الروح ما نسعالها
أما الوفا الي يستر الرجال من كل العيوب
والا الجفا الي يستر عيوب العرب في رجالها
ما أقسى من فراق الجنوب إلا فراق أهل الجنوب
ويلي على الي كل ما تزعل تشد رحالها
الي مذيرها العتب لاشبت بصدري شبوب
عييت أراضيها وهي عيت تطول بالها
كانت معي مثل النصيب يحدني من كل صوب
كانت دروبي من متاهات الظلل لظلالها
كانت هروبي لاشعرت أني بحاجة للهروب
كانت سماي الي اليا ضاقت علي ألجالها
ليه تحداني وأنا في كل الأحوال مغلوب
ليه أحرمتني من قهر عذالي وعذالها
ليه أتجاهلني وأنا ماني جبان ولا كذوب
ليه أرخصت دمعي وأنا الي ما بكيت الالها
ما ترحم الي له سنة كنه على النار محطوب؟
ماهزها دمع الفقيد الي بكته أطلالها؟
ما خافت تهدم السنين الي بنتنا طوب طوب؟
ما فكرت تشفق على حالي وترحم حالها؟
قولولها لو ماتذوب انا باخليها تذوب
قولولها لوما عنت لي مستعد اعنالها
اليا دمحت لي هالخطا بادمح لها كل الذنوب
وان جابت الحسنة معي تبشر بعشر أمثالها
افرش لها صدري وطن واجمع من ضلوعي شعوب
وأرقى لها لمكانها الي ما حد(ن) يرقالها
إن كان مخطي فأنا ماني خلي من العيوب
الذنب يغفر والبشر تجزى بقدر أعمالها
البعد قاسي والفراق يضيق الصدر الرحوب
وأنا تعبت أدور الحيلة وارد احتالها
قولولها ترجع ترى ماني على الحزن مغصوب
ولا ترى نذر(ن) علي انه مهوب اشوالها
إن ما تجنب هالهبال وتترك البعد وتتوب
ولا بتبشر بالهبال الي ماهو بهبالها
كافي زعل ترى الظروف مقفلة من كل صوب
وأنا حملت من الهموم أنواعها وأشكالها
يكفيني أني كلما هبت على صدري هبوب
تحن عيني للجنوب وتلفت بلحالها
والمشكلة أني كلما حنت عيوني للجنوب
تطري لي الريم اللعوب وسالفة ترحالها
وعز الله أني كل ما تطري الريم اللعوب
حرمت أمد أيدي على حاجة وأنا ما أقوالها
وصح لساااااااااااااانه ..
ولكم مودتي ..[/align]
12-Mar-2007, 09:11 PM
{ أهل الجنوب } .. 
[/align]
العرض العادي
